منتديات عربية بعيون شامية
 
الرئيسيةالبوابةس .و .جالتسجيلدخول

شاطر | 
 

 *** أمثــال شـ ـ ـاميـة ***

اذهب الى الأسفل 
كاتب الموضوعرسالة
علاء
عضو مشارك
عضو مشارك


عدد الرسائل : 37
تاريخ التسجيل : 10/05/2008

مُساهمةموضوع: *** أمثــال شـ ـ ـاميـة ***   الإثنين مايو 26, 2008 3:57 pm



أمثال شامية
(أ)


أصابيعك بأيدك مو كلا سوا
أدن من طين وادن من عجين
ايدين دكك ورجلين سكك
أكبر منك بيوم أعرف منك بسنة
العاب بالمقصوص حتى يجيك الطيار
الحجر مطرحو قنطار
النار ما بتحرق ايد إلا كاويها
الحجر اللي ما بيعجبك بفجك
المونة بدا ركونة ما بدا مرا مجنونة
الرجل ما بتدب غير مطرح ما بتحب
الحب مطب والعاشق أعمى
أكل ومرعى وقلة صنعة
الجواب بمحلو متل الدهب بمغلو
السكافي حافي والحايك عريان
اللي فيه مسلة بتنغزو
ألف قلبة ولا غلبة
ألف عين تبكي وعين أمي ما تبكي
الرجال عند غراضها نسوان
العين ما بتعلا عالحاجب
الدم ما بيصير مي
الديك الفصيح من البيضة بيصيح
الحكي صابون القلوب
العين بصيرة والايد قصيرة
العز للرز والبرغل شنق حالو
العروس بعلقها وقلة أكلها
الطبل بحرستا والزمر بمنين
البحر ما بتعكرو ساقية
آب اللهاب
ايلول دنبو مبلول
الرحمة مخصصة والبلا بيعم
ألف قولة جبان ولا قولة الله يرحمه
الموت مع الناس رحمة
الحية إذا جاعت بتعض بطنها
الكلام بينداق متل الطعام
اذا احتجت الكلب قوللو يا حاج كلب
الله بيطعم الحلاوة للي مالو سنان
القرد بعين أمو غزال
الضرف العايب نافخو تعبان
الكلام اللي ما بينفد ياحسرة قايلو
الحكي الك يا كنة اسمعي يا جارة
الآخرة يا فاخرة
الرايح بايدو والجاية بايد الناس
الغايب حجتو معو
ايمتا كنا والشمس ترقعنا
اجا ليكحلها عماها
الرمد أشوى من العمى
العيرة ما بتدفي وان دفت ما بتوفي
ايد واحدة ما بتصفق
إن داقت عليك المخازن مخزنك عبك
البخشيش بالدرهم والعطا بالقنطار
إن كان حبيبك عسل لا تلحسو كله
الله يطعمك حجة والناس راجعة
الولد اللي ما بيبكي امو ما بترضعو
أعزب دهر ولا أرمل شهر
اذا الصغير انتشا الكبير باس ايدو
الطرق ولو دارت والبنت ولو بارت
الدهر يوم الك ويوم عليك
الخبز والماء أكل العلماء
الحارة ضيقة والحمار رفاس
الله ما نشاف لكن بالعقل نعرف
الخوف بيقطع الجوف
الرطل بدو رطل ووقية
الصاحب ساحب
الجنازة حامية والميت كلب
الأعور بين العميان ملك
الخير بخير والشر بغير
الجمل اذا بار بيحمل قنطار
العين مغرفة الكلام
إن عاب عليك أصلو دلايلو فعلو
الجمل لولا الفزة لحمل المزة
القط ما بيهرب من العرس
الجار قبل الدار
الولد ولد ولو صار قاضي بلد
الجحشة بعليقها والأصيلة بعليقها

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء
عضو مشارك
عضو مشارك


عدد الرسائل : 37
تاريخ التسجيل : 10/05/2008

مُساهمةموضوع: رد: *** أمثــال شـ ـ ـاميـة ***   الإثنين مايو 26, 2008 3:58 pm




(ب)


ير مالو قرار
بيعمل من الحبة قبة
بيعمل من الزبيبة خمارة
بدك تعمل جمال علي باب دارك
بدوب التلح وببان المرج
بيقتل القتيل وبيمشي بجنازتو
بتموز بتغلي المية بالكوز
باللعب والأمزاح تشتفي الأرواح
بصلتو محروقة
بالوش مراية وبالقفا صرماية
بين النور مافي تكليف
بيخطف الكباية من راس الماعون
بتقولو تور بيقلك حلبو




عدل سابقا من قبل علاء في الإثنين مايو 26, 2008 4:11 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء
عضو مشارك
عضو مشارك


عدد الرسائل : 37
تاريخ التسجيل : 10/05/2008

مُساهمةموضوع: رد: *** أمثــال شـ ـ ـاميـة ***   الإثنين مايو 26, 2008 4:01 pm




(ت)


تاجرنا بالكفان بطل حدا يموت
تعا علي وخلصني ولا تجي معي وتعلقني


(ج)


جارك القريب ولا أخاك البعيد
جاي من البرية وبدو ياخد الأولية
جدي بدو يلعب بعقل تيس


(ح)


حرد الدب عن الكرم زاد العنب قنطار
حكى بدري وانشرح صدري
حطوه عالمغتسل ودهنوه بالعسل
حلاق فتح بأقرع استفتح
حمامي فتح بمتوضي استفتح
حزيران طباخ المشمش
حلة نيل تصبغ المعلم مع الأجير
حط بطال وحط بيت مال






عدل سابقا من قبل علاء في الإثنين مايو 26, 2008 4:12 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء
عضو مشارك
عضو مشارك


عدد الرسائل : 37
تاريخ التسجيل : 10/05/2008

مُساهمةموضوع: رد: *** أمثــال شـ ـ ـاميـة ***   الإثنين مايو 26, 2008 4:04 pm




(خ)



خدوا فالكن من أطفالكن
خل ببلاش ولا عسل بمصاري
خلي العسل بكوارو لتجي أسعارو
خيط بغير هالمسلة
خود الأصيل ولو كان عالحصير
خود الفرس من الفارس
خبي فحماتك الكبار لعمك آذار


(د)



دخان يعمي ولا بردن يضني
دود الخل منو وفيه


(ر)



رضينا بالبين والبين ما رضي فينا
ربوط الحمار مطرح ما بقلك صاحبو
راح الأعور وتبعور


(ز)



زيوان البلد ولا قمح الجلب
زعنا اللو طلعت يا ريت


(س)



ساقية جارية ولا نهر مقطوع
ست وجاريتين على قلي بيضتين
سمك بالمي ما بينشرى
سموك مسحر خلص رمضان
سعد الدابح ما بيخلي كلب نابح
سعد بلع السما بتمطر والآرض بتبلغ
سعد السعود بدفا كل مبرود
سعد الخبايا بتفتل فيه الصبايا


(ش)


شعرة من دنب الخنزير مكسب
شحاد ومشارط
شو بتعمل الماشطة بالوش العكر
شباط ما على كلامو رباط


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء
عضو مشارك
عضو مشارك


عدد الرسائل : 37
تاريخ التسجيل : 10/05/2008

مُساهمةموضوع: رد: *** أمثــال شـ ـ ـاميـة ***   الإثنين مايو 26, 2008 4:06 pm




(ص)



صام صام وفطر على بصلة
صوته متل العرباية عالبلاط
صبي حمام ايد من ورا وايد من قدام
صابح القوم ولا تماسيهم
صاحبي وحبيبي وناح الجيبة لا تقرب
صرلو بالقصر من امبارح العصر
صنعة باليد أمان من الفقر



(ض)



ضايعة الطاسة
ضروب الحديد هو وحامي



(ط)




طلعت الحشيشة على راس لساني
طلعنا من تحت الدلف لتحت المزراب
طالع عالسلم بقباب
طلع القمر ودور ونسي زمانو الأول
طحان ما بيغبر على كلاس
طعمي التم بتستحي العين



(ع)


عطي الخباز خبزو ولو اكل نصو
عقلك مو معك تنين بديروه
على قد لحافك مد رجليك
عم تتباها بضفاير بنت خالتها
عيش يا كديش لينبت الحشيش
عرق آس ولا شماتة الناس
عطوا الدب حرير يكب
عم يرش عالموت سكر
على حظ الحزينة سكرت المدينة
عم يفوش متل الزيت
عيش كتير بتشوف كتير
عود منيح واحكي صحيح
عمر عطيني وبالبحر ارميني
عين ما بتقاوم مخرز
عند الكبرة جبة حمرا



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء
عضو مشارك
عضو مشارك


عدد الرسائل : 37
تاريخ التسجيل : 10/05/2008

مُساهمةموضوع: رد: *** أمثــال شـ ـ ـاميـة ***   الإثنين مايو 26, 2008 4:09 pm




(ف)



فخار يكسر بعضو
فوتة الحمام مو متل طلوعو


(ق)



قبل ما تقلا كش اضربها وكسير رجلها
قدا قد الفارة وصوتها ملات الحارة
قتاية عوجة إن جلستا بتنكسر
قدرة ولقت غطاها
قطع الأعناق ولا قطع الأرزاق
قال يا قاعدين يكفيكن شر الجايين
قط ما بيهرب من عرس
قلبي على ولدي وقلب ولدي عالحجر
قوم تساعدوا ما نغلبوا
قللو اذا حلق جارك بل انت
قلتني وبكى وسبقني واشتكى
قللو ما متنا بس شفنا مين مات قبلنا


(ك)



كون ديب ما بتاكلك الدياب
كتر الدلال بيهرب العاشق
كل ممنوع مرغوب
كل مين بيجر النار لقرصو
كل عنزة معلقة من كرعوبا
كترة الأيادي بتحرق الطبخة
كلام القاضي متل الفستق الفاضي
كرمال عين تكرم مرج عيون
كل جاجة حفرت على راسا عفرت
كل طايفة والها بالوعة
كل قمحة مسوسة وإلها كيال أعور
كل مين شافني أرملة شمر واجا هرولة
كسرنا الدف وبطلنا الغني
كل ديك على مزبلتو صياح
كانون الثاني الأصم عود ببيتك وانطم


(ل)



لا قيلي ولا تطعميني
اللي بينشرى ما بينشهى
اللي ما بتزينو عروقو ما بتزينو خروقو
لبس المكنسة بتطلع ست النسي
اللي بيدق الباب بيسمع الجواب
اللي بشوفني بعين بشوفو بعينتين
لا تاخد هاللبانة إلا من هالحنك الأعوج
لا تاخد صاحب إلا بعد قتلة
اللي بيخفف راسو بتتعب رجليه
لا تعلم شحاد على باب دارك
لا تتقل على امك وأبوك بيكرهوك
لا تقول عنب ليصير بالسلة
لو رحنا بين القبور بيلحقنا الداقور
اللي بيعرف أولتو بتهون عليه آخرتو
اللي ببيعك بالفول بيعو بالقشور
لباس مالو ودكتو بأربعين
لولا الكاسورة ما عمرت الفاخورة
لا تقول للمغني غني ولا للرقاص رقص
لا تاخد صاحب الا بعد خناقة
لا تقول فول ليصير بالمكيول
لبس العود بيجود
لوما علبة مكي الأحوال بتبكي
اللي ما بيخاف الله خاف منو
اللي عندو فلفل بيرش عالمخلوطة
لا مين عمر سكن ولا مين مون أكل


(م)



ما بعد الصبر إلا المجرفة والقبر
متل خازوق البحرة
مشتراة العبد ولا تربايتو
مين خلف ما مات
مندق المي وهي مي
ما بين السابق والمسبوق دقة خازوق
متل الخنفسة بالطاسة
مو كل مين قال بكره العيد دفعولو
متل حمام مقطوعة ميته
متل اللي عم يغني بالطاحون
ما بيسلم الكرم من الناطور
متل اللي جاب الدب لكرمو
متل الحبلاس كل ما كبرت عم تحلى
ما بيحك جلدك متل ضفرك
متل الأطرش بالزفة
ما بيعجبو العجب ولا الصيام برجب
مجنون يحكي وعاقل يسمع
مو رمانة لاكن قلوب مليانة
ما في شجرة ما هزا الهوى
محل ما ترزق الزق
مابيحك جسمك متل ضفرك
ماحدا بيقول عن زيتو عكر
من طول عمرك يا تينة مجعلكة
متل حية التبن بتقرص وبتخبي راسا
ما في طلعة إلا وراها نزلة
مطرة نيسان بتحي قلب الانسان
مادام النصراني صايم البرد قايم
معك قرش بتسوى قرش
ما بين تشرين وتشرين صيف تاني
متل الأطرش بالزفة


(ن)



نص الكلام مالو جواب



(ه)



هاللي الو شعرة من الجمل بنخخو


(و)


وردة بتخلف شوكة
وقت بتقع البقرة بيكترو سكاكينا


(ي)


يا شاري الهم من قلب صاحبو
يا رايح كتر منايح
يا لبنية بلا كبب يا عداوة بلا سبب
يا شاري الهم من قلب صاحبو
يا مسترخص اللحم عند المرق بتندم
يلي بتجوز بالدين بيجوا ولادو بالفايز
يلي ببيت أهلو على مهلو
يلي مالو كبير مالو تدبير
يلي مالو عتيق مالو جديد
يللي إلو طباخ ما بزفر ايدي
يلي بيفوتك حصرم بتاكلو عنب
وقتن كبر وشاب بعتوه عالكتاب
يللي متلنا تعوا لعنا
يللي أولو شرط أخرو شرط
يللي انتهى عمرو ما بتهينوا شدة



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Asmaa
نائبة المشرف العام
نائبة المشرف العام
avatar

عدد الرسائل : 560
العمر : 30
تاريخ التسجيل : 10/05/2008

مُساهمةموضوع: رد: *** أمثــال شـ ـ ـاميـة ***   الثلاثاء مايو 27, 2008 1:39 pm

علاء كتير حلوين الامثال عنجد
شكرا الك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AMER
Administrator
Administrator


عدد الرسائل : 333
العمر : 35
الأوسمة :
تاريخ التسجيل : 08/05/2008

مُساهمةموضوع: رد: *** أمثــال شـ ـ ـاميـة ***   الثلاثاء مايو 27, 2008 3:50 pm

أمثال شامية رائعة جدا

لك الشكر علاء
وبانتظار المزيد من مشاركاتك المميزة

بالتوفيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lina
مراقبة المنتديات العامة
مراقبة المنتديات العامة
avatar

عدد الرسائل : 194
العمر : 34
تاريخ التسجيل : 16/05/2008

مُساهمةموضوع: رد: *** أمثــال شـ ـ ـاميـة ***   الثلاثاء مايو 27, 2008 3:51 pm

الأمثال عموما والشامية خاصة رائعة وخصوصا عندما يأتي بمكانه لا أجد أروع منها

Laughing

شكرا علاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء
عضو مشارك
عضو مشارك


عدد الرسائل : 37
تاريخ التسجيل : 10/05/2008

مُساهمةموضوع: رد: *** أمثــال شـ ـ ـاميـة ***   الأربعاء مايو 28, 2008 2:22 am


مشكووووووووووووووووووووووووورييييـ Razz ـنن جميعا



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
*** أمثــال شـ ـ ـاميـة ***
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شامات :: المنتديات العامة :: منتدى شـ ـ ـامـ ـ ـات-
انتقل الى: