منتديات عربية بعيون شامية
 
الرئيسيةالبوابةس .و .جالتسجيلدخول

شاطر | 
 

 العراضة الشامية

اذهب الى الأسفل 
كاتب الموضوعرسالة
AMER
Administrator
Administrator


عدد الرسائل : 333
العمر : 35
الأوسمة :
تاريخ التسجيل : 08/05/2008

مُساهمةموضوع: العراضة الشامية   الثلاثاء مايو 13, 2008 12:42 pm




صلوا على محمد مكحول العين
........... نير وغضير وعادلا وهي

أول مانبدا منقول
........... صلوا على طه الرسول

أول ما بدينا
........... على النبي صلينا

يا صلاتك يا محمد
........... والصلاة بالصوت صلوا

والصلاة والصوم صلوا
........... وبالصلاة صلوا عليه

وعلينا وعليه
........... وعلى من زار قبره

وعلى من حج إليه
........... حجيت الحجاج لاجله

انشق القمر بنص الليل
........... من هيبة رسول الله

لا إله إلا الله
........... محمد رسول الله

وادللي ياعيني
........... على عريس الزيني

وادللي يا غالية
........... لاطلع لك العالية

لالاعبك لعب البنات
........... يا بنات ويا بنات

يم الشعور المجدلات
........... يلي شعرك شعر الخيل

مسا الخير ومسا الخير
........... الله يمسيكم بالخير

الله يمسي حارتنا
........... ياللي مشملة حملتنا

حملتنا عالشيخ رسلان
........... شيخ رسلان يا شيخ رسلان

يا حامي البر والشام
........... مسا الخير جمعية

إسلام ومسيحية
........... إسلام توحد الله

والشب يولف صاحبة
........... لاصاحبه لالاعبه

لالاعبه بالجودلح
........... جودلح يا جودلح

زيزفون يا زيزفون
........... زيزفون خيم علي

ما بناخد إلا الصبية
........... ما بناخد إلا الغلام

يا غنيم يا غنام
........... لا تروح درب الشمال

بياخدك التركملي
........... يعمل فيك شال مال

يعمل فيك العجايب
........... يعمل فيك كان مان

يعمل من جلدك رباب
........... للشيوخ والشباب

للشباب التايبة
........... والشيوخ الشايبة

يلي ع ربها تايبة
........... تايبة ومتوبة

تايبة عالشيخ رسلان
........... شيخ رسلان يا شيخ رسلان

يا حامي البر والشام
........... يا سباع البر حومي

اشربي ولا تعومي
........... اشربي من بير زمزم

زمزم عليها السلام
........... يا سلام اضرب سلام

علي مظلل بالغمام
........... والغمامة غامتو

غامتو ما لامتو
........... غامتو خوفاً عليه

وعلينا وعليه
........... وعلى من حج إليه

محمد زين محمد زين
........... محمد يا كحيل العين

هدهد هدهد ياطير
........... عنا الك خبر بالليل

يمكن شر ويمكن خير
........... واللي يعادينا نحاربو

بالسيف نقطع شواربو
........... بنتك يا خال أخذت عقلي

والعزابي يا دلو
........... ما في مين يغسلو

صابونتو بجيبتو
........... الله يخليلو ميمتو

حامل بقجة قمصانو
........... وداير على جيرانو

روح تجوز روح روح
........... حاجة تبصبص عالأسطوح

لاتاخد بنت البلكون
........... لو لبست لك كل يوم لون

خود البنت المستورة
........... ولو كانت فكحة وعورة

اسمر يا بو الجديلة
........... دخيل عيونا الكحيلة

وأنا ميت على عيونا
........... مدفعنا عيارو تسعين

ست عشر بطارية
........... بيرقنا بثلاث شكال

وحكومة عربية
........... وعلينا الخيل من روس الجبال طلعت

ما منهاب الموت لو كترت ولو قلت
........... وين الخال يشوف ابن اختو

محلا الشايب بين ولادو
........... دلي دلوك يا بنية

عريس الزين يتهنا
........... يطلب علينا ويتمنى

عريس الزين يا غالي
........... ويا مسهرني الليالي

عريس الزين ما بيعو
........... لو جبلي الدهب غالي

شن كليلة شن كليلة
........... شن كليلة شو هالليلة

شو هالليلة ما أحلاها
........... للحبايب بنتمناها

من هالليلة من هالليلة
........... من هالليلة صرلو عيلة

طقي وجني حيص بيص
........... نحنا في معنا عريس

اضرب واجرح لا تخاف
........... وين السبعة يجاوب تسعة

وين ستندر وين ستار
........... يا ستندر مالك خرسان

ويا فشك ما لك غليان
........... سمعني الصوت الرنان

وان هلهلتي هلهلنالك
........... حطينا البارود قبالك

وان هلهلتي يا نشمية
........... واحد منا يقابل مية

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lina
مراقبة المنتديات العامة
مراقبة المنتديات العامة
avatar

عدد الرسائل : 194
العمر : 34
تاريخ التسجيل : 16/05/2008

مُساهمةموضوع: رد: العراضة الشامية   الثلاثاء مايو 27, 2008 3:57 pm

أول مره بعرف أفهم شو بقولوا

بس ممكن حدا يقلي شو معناة (( نير وغضير وعادلا وهي )) Rolling Eyes

لا سماعي فهمتها ولا كتابي Very Happy

شكرا عامر كتير حلوة Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AMER
Administrator
Administrator


عدد الرسائل : 333
العمر : 35
الأوسمة :
تاريخ التسجيل : 08/05/2008

مُساهمةموضوع: رد: العراضة الشامية   الثلاثاء مايو 27, 2008 4:13 pm

انا تفاجئت لانو وقت قريتها ما طلع ولا كلمة عندي صح أثناء الترديد

شكرا على المرور

تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء
عضو مشارك
عضو مشارك


عدد الرسائل : 37
تاريخ التسجيل : 10/05/2008

مُساهمةموضوع: رد: العراضة الشامية   الأربعاء مايو 28, 2008 2:34 am

لك انا كنت مفكر حالي بعرفها و مستورة ليش حطيتها كاملة Suspect
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت الشام
مشرفة منتدى الوجدانيات
مشرفة منتدى الوجدانيات


عدد الرسائل : 49
العمر : 43
تاريخ التسجيل : 17/05/2008

مُساهمةموضوع: رد: العراضة الشامية   الأربعاء مايو 28, 2008 12:16 pm

يسلموا يا عامر بس بحب قول للينا معنى نير وغضير وعادلا
النير هو الشيء او الامر الصعب ومعناه بالعراضة هو الزواج وهمومه ومتاعبه وغضير يعني الاستطاعة فنحن نعلم ان الشوام القدماء يقولون ما بغضر يعني ما بقدر يعني لا استطيع فهنا الشباب يتحدون العريس بهذا المعنى يعنى هذا امر صعب وهل ستقدر عليه اما عادلا فهي عاد لنا يعني العريس يعود لرفاقه بأوقات الشدة بعد الزواج
اما هيههههههههههههههههههههه فهي لا تحتاج الى تفسير ارجو ان اكون قد وضحت الصورة لك
وياعامر شغلني عندك قاموس شو رأيك هههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lina
مراقبة المنتديات العامة
مراقبة المنتديات العامة
avatar

عدد الرسائل : 194
العمر : 34
تاريخ التسجيل : 16/05/2008

مُساهمةموضوع: رد: العراضة الشامية   الخميس مايو 29, 2008 6:49 am

شكرا بنت الشام على التوضيح .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
العراضة الشامية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شامات :: المنتديات العامة :: منتدى شـ ـ ـامـ ـ ـات-
انتقل الى: